कडा दुश्मनीका रूपमा रहेका उत्तर र दक्षिण कोरियाबीच अाज उच्चस्तरीय वार्ता हुँदैछ ।

उत्तर कोरिया र दक्षिण कोरियाबीच स्थानीय समयअनुसार बिहान १० बजे उच्चस्तरीय वार्ता हुन लागेको हो । दक्षिण कोरियाको प्रस्तावमा दुई देशबीचको सीमा क्षेत्रमा वार्ता हुने तय भएको हो ।

पछिल्लाे दश वर्षपछि दुई कोरियाबीच पहिलो पटक उच्चस्तरीय वार्ता हुन लागेको अन्तराष्ट्रिय संचार माध्यमहरूले जनाएका छन् ।

नयाँ वर्षको शुभकामना सन्देश दिने क्रममा उत्तर कोरियाका नेता किम जोङ उनले दक्षिण कोरियासँग सम्बन्ध सुधार गर्न चाहेको संकेत गर्दै आउँदो फेब्रुअरीमा सिओलमा हुने विन्टर ओलम्पिकमा आफ्नो देशका खेलाडी सहभागी गराउन तयार रहेको बताएका थिए ।

त्यसपछि दक्षिण कोरियाले विन्टर ओलम्पिकमा उत्तर कोरियाका खेलाडीको सहभागिताको विषयमा छलफल गर्न उच्चस्तरीय वार्ताको प्रस्ताव गरेको थियो ।

वार्ता प्रस्ताव उत्तर कोरियाले स्वीकार गरेसँगै पछिल्लो दुई वर्षमा यी दुई मुलुकबीच पहिलो पटक छलफल हुन लागेको हो । दक्षिण काेरियाकाे टाेली गाडीबाट वार्तास्थल पुगेकाे बताइएकाे छ ।

दक्षिण काेरियाकाे टाेली गाडीबाट वार्तास्थल जाँदै।

प्रतिकृया दिनुहोस

सम्बन्धित समाचार