अमेरिकाका करिब ७० प्रतिशत युवाले हाल संयुक्त राज्य अमेरिकामा रहेका दुई राजनीतिक दललाई मन नपराएको र अर्को दल चाहेको सर्वेक्षणले देखाएको छ ।

उक्त सर्वेक्षणअनुसार अमेरिकामा हाल रहेका डेमोक्र्याट र रिपब्लिकन भन्दा अर्कै दल चाहेको उनीहरुले बताएका छन् । ती दुई राजनीतिक दलले अमेरिकामा राम्रो काम गर्न नसकेको गुनासो उनीहरुको छ । त्यसैले उनीहरुले यी दुईको सट्टामा अर्को राम्रो कामगर्ने दल चाहेको बताएका हुन् ।

हालै गरिएको सो सर्वेक्षणमा अमेरिकी नागरिकको सो धारणा बाहिर आएको बताइएको छ । उक्त सर्वेक्षणमा सहभागी भएकामध्येका ६० प्रतिशत युवाले अमेरिकी राष्ट्रपति डोनाल्ड ट्रम्पले गरिरहेको कार्यसम्पादनको विरोध गरेका छन् । उनीहरुले राष्ट्रपति ट्रम्पको कार्यशैली नरुचाएको र उहाँले जारी राखेका कामहरु जनताले मन पराउने खालका नरहेको पनि बताएका छन् ।

एनबिसी न्युजले गरेको सो सर्वेक्षणमा सहभागी करिब ६५ प्रतिशत युवाहरुले संयुक्त राज्य अमेरिका हाल सबै राजनीतिक विषयहरुमा गलत दिशातर्फ उन्मुख भइरहेको बताएका छन् ।

उक्त सर्वेक्षणका अधिकांश सहभागीहरुले अमेरिकामा राजनीतिक दलले जनताको वास्ता नगर्ने गरेको जनाएका छन् । त्यसैले उनीहरुले हालका दुई दलभन्दा अर्कै राजनीतिक दल चाहेको बताएका छन् ।

राष्ट्रिय रुपमा नै प्रतिनिधित्व हुनेगरी उक्त सर्वेक्षणमा विभिन्न जात जाति, वर्ग र क्षेत्रका आधारमा नागरिकलाई संलग्न गराइएको थियो । उक्त सर्वेक्षण गत अक्टोबर २६ देखि नोभेम्बर १० सम्म गरिएको थियो ।

विभिन्न क्षेत्र, वर्ग र समुदायका गरी १ हजार ८७६ जना १८ वर्षदेखि ३४ वर्ष उमेर समूहका युवाहरुलाई सो सर्वेक्षणमा सहभागी गराइएको थियो ।

स्मरणरहाेस् केही महिनाअघि अमेरिकामै युवाहरूकाे बीचमा गरिएकाे एक मत सर्वेक्षणमा बहुसंख्य युवाहरूले पुँजीवाद भन्दा समाजवाद अावश्यक रहेकाे बताएका थिए । ब्लुमवर्गले गरेकाे मत सर्वेक्षणमा ४४ प्रतिशत युवा समाजवादलार्इ अाजकाे विश्वकाे समाधान भनेका छन् भने ४१ प्रतिशत युवा पुँजीवाद नै ठीक भएकाे बताएका छन् ।

 

प्रतिकृया दिनुहोस

Loading...

सम्बन्धित समाचार