लाश उठेर बोल्छ भन्ने विश्वास

बोकियो र धोका खाइयो !

 

प्रश्न गर्ने टाउकाहरूको आयु

तोकियो र धोका खाइयो !

 

न कहिलै लाश उठेर बोल्यो र न

समयमा प्रश्न कर्ता मरे !

खुट्टा ढुङ्गामा टाउको पहरामा

ठोकियो र धोका खाइयो !

 

अध्ययन गरिएन चिन्तन गरिएन

लहैलहैमा बरालियो !

अन्धाधुन्दमा हुने नहुने बढी

खोकियो र धोका पाइयो !

 

प्रश्न गरिएन शङ्का गरिएन

लुरु लुरु मात्र पछि लागियो !

हजुर घोकियो हुन्छ घोकियो

जय घोकियो र धोका पाइयो !

 

देउता बनाइयो भूत बनाइयो

मान्छे बनाउँन ध्यान गएन

चिप्लो टेकियो नाक ठोक्कियो

जिब्रो टोकियो र धोका पाइयो !

२०७२|१२| २१ ढल्को

प्रतिकृया दिनुहोस

सम्बन्धित समाचार